دايما وبأكد إن السبب الرئيسى لإرتفاع ضغط الدم هوه الكليتين واضطراب الكليتين حتى لو كان فيه سبب أخر فبرضه هوه اللى أثر على الكليتين فرفعو الضغط .
الكلى اليمين عاوز تعرف إذا كانت هيا أو الشمال اللى رفعالك الضغط فقيس ضغطك فى دراعك اليمين و الشمال لو ضغطك عالى فى الدراع اليمين يبقى الكلى اليمين هيه اللى بدأت تضعف ولو ضغطك عالى فى الدراع الشمال يبقى الكلى الشمال اللى بدأت تضعف .
فى الغالب الشمال بتكون أضعف من اليمين لان الكلى اليمين بسم الله ماشاء الله قدامها الرئة اليمين أم تلات فصوص دى وهيه مقوية الكلى اليمين جدا انما الكلى الشمال قصادها الرئة الشمال أم فصين بس عشان عاطية مكان للقلب وعشان كده هيه أضعف وأنا شرحت سابقا علاقة الرئة بالكلى .
أول سبب بيضيع الكلى و بيقصف عمرها وعمر جسمك كله هوه الجفاف .
والجفاف السبب الرئيسى ليه بيكون بسبب ان حضرتك مابتشربش مياه مطنش المياه بتنسى المياه .
اللى بيحصل بكل بساطة إن مع التقدم فى العمر الأعصاب المسئولة ان حضرتك تعطش بتضعف اصلا . ودا سبب انك لو قعدت مع حد كبير شوية فى السن بيحكيلك ويقولك انا مبعطش اصلا .أقل من ليتر ونص ماء فى اليوم بيقصف بعمر الكلى اللى هيه روحها الميه ولو مشربتش الميه المطلوبة تبدأ الكلى رحلة البحث عن الماء فى أماكن أخرى .
أول مكان بتبدأ الكلى تسحب منه الميه هوه القولون ودا بيفسر الإمساك الرهيب اللى بيحصل للى مبيشربوش ميه يعنى الإمساك يساوى جفاف الكلى .
المكان التانى بعد القولون هوه عينيك وبرضه دا بيفسر سبب جفاف العين مع قلة شرب الماء .
وأخيرا بعد استنفاذها لكل المخازن بتسحب الميه من مخك فتعملك صداع لا يحتمل .
أرجوك أشرب ميه أرجوك ليتر ونص حد أدنى ليه تسيب جسمك عرضه للجفاف .
شير لغيرك قوله لاتشرب أقل من ليتر ونص ماء يوميا
دمتم بصحة ♥️
الدكتور أحمد أبو النصر
0 تعليقات